Istanbul

Истанбул познат како градот кој лежи на два континента , европа и азија, е град кој освојува со неговата историја, со прекрасните мали кафулиња покрај босфорот, и преубавата архитектура. Имав можност да го посетам овој град пред една година каде што бев да го посетам саемот за туризам кој воедно е еден од поголемите саеми во европа , па дури и во светот. При влезот во градот сите згради и куќи ми беа некако исти и за момент се запрашав зашто дојдов?! . Но подоцна како се приближувавме кон центарот моето мислење се менуваше. Бев сместена во Taksim во добар хотел. На неколку метри бев далеку од познатата Капали Чаршија. Кога сум веќе кај чаршијата значи таму можеш да најдеш работи по 90 евра (кожни ташни), но можеш да се исценкаш за истите и да ги земеш за 20 евра :)). Имав можност да го посетам Topkapi сарајот на Султан Сулејман, Сарајот на Ибрахим Паша, Амамот на Хурем Султан, Долмабахче, Стадионот на Бешикташ и многу други места. Но мене лично најмногу впечаток ми остави Босфорот ...аххх... каде што од сите страни можете да најдете продавачи на гевреци. Кафето на Босфор е вистинско уживање. Доколку сте во можност обавезно да го посетите ! 

Bad Waldsee

Додека бев во Германија имав можност да го посетам еден од најдобрите голф клубови во државата и секако да научам колку толку нешто. :) Bad Waldsee  се вика и градчето и клубот и можам да кажам дека е преубаво место кое плени со прекраснита природа во и надвор од клубот :) .

Констанц

Констанц е град со над  80.000 жители и се наоѓа во јужниот дел на Германија. Единствен е по тоа што е најголем град што излегува на Боденско езеро. Овој град всушност претставува граница помеѓу Германија и Швајцарија и низ градот поминува и веќе познатата река Рајна.  Градот освојува со интересна архитектура, со интересни музеи , знаменитости и со самата култура на населението кое живее таму.Градот е познат уште и како еден од универзитетските градови во Германија, бидејќи Универзитетот во градот е еден од најелитните во државата, па поради тоа можат да се чујат скоро сите светски јазици таму бидејќи е доста посетен од студенти од цел свет. На улиците на Констанц можат да се сретнат многу уметници кои на самиот град му даваат посебен белег и секако неизбежен е и мирисот на Brezel со путер (како перек кај нас). Мх мх мх... :)

Германија 2012

Минатава година за мене беше една од поубавите години : ) . Имав доста патувања низ нашава мила земја , но и во странство.  Прво бев во Истанбул на теренска екскурзија преку факс и потоа бев во Германија поточно во Биберах (и останав цел месец!),тоа е мало градче во близина на Минхен. За градот имам навистина да кажувам многу, но поубаво би било доколку го посетите. Шетав и низ доста градови така да во наредните постови ќе имате што да видите и за Констанц , град кој се наоѓа на самата граница помеѓу Германија и Швајцарија.

  Доколку имате можност обавезно да ги посетите !!! :)

Пс. Германија не е тоа тоа доколку не ги пробаш сите благи работи !  : )